Degemer al lec’hienn > Ti ar C’hoadoù > Kinnig ar greizenn

Kinnig ar greizenn


 

Holl stummoù ar pennad-mañ : [brezhoneg] [français]

 

Partagez !

E 1984 oa bet krouet Ti ar C’hoadoù gant ti-kêr ar Chapel-Nevez, a-raok lakaat ur gevredigezh e-penn an traoù e penn-kentañ ar bloavezhioù 2000. Ar greizenn, tapet ganti al label “Ti Natur Departamant” e-keñver he labour war tachennoù ar bedagogiezh, an douristelezh, ar sevenadur hag an ekologiezh, zo aotreet gant an Deskadurezh-Stad hag an DDCS (Direction Départementale de la Cohésion Sociale). E tro ar bloavezhioù 2010 oa bet adnevesaet penn-da-benn savadur ar c’hambreier gant teknikoù o toujañ deus an endro. 70 plas zo bremañ evit degemer ar strolladoù bugale pe an dud-vras!

Ti ar C’hoadoù hirie an deiz:

  • klasoù-natur (koad ha garzhaoueg, glad ha sevenadur, diorren padus) evit ar skolidi, deus ar re vihanañ d’ar grennarded.
  • kampoù vakañsoù evit ar vugale da dizoleiñ an endro dre an dudi.
  • Sortiadennoù-natur evit an holl, a-hed ar bloaz, war ar plant hag al loened gouez en-dro deomp.
  • Stajoù teknikel evit an holl, war un devezh pe meur a hini, evit deskiñ penaos kempenn e werje, e liorzh, e c’hleuñioù, e c’hirzhier... gant doareoù ekolojik
  • stummadurioù evit ar studierien pe al labourerien war an natur hag ar buheziñ.
  • strolladoù degemeret, bod ha boued, evit degouezhadennoù familh, labour, kevredigezh...
  • animasionoù er skolioù (TAP...) pe da geñver abadennoù en-dro d’an natur (festoù, saloñsoù...)
  • raktresoù a-bep seurt: kartennoù troioù-bale, diskouezhadegoù, oustilhoù pedagogel...

Ha tout an traoù-se en galleg koulz hag en brezhoneg!