Etre Gwengamp ha Karaez emañ ar Chapel-Nevez, nepell eus Kallag (departamant Aodoù-an-Arvor). Unan eus Tiez Natur an departamant eo. Degemer a ra kevredigezh Ti ar C’hoadoù bugale evit klasoù natur diwar-benn ar c’hoadoù hag ar c’harzhaoueg, klasoù glad ha sevenadur Breizh, kreizennoù vakañsoù. Kinnig a ra ivez baleadennoù natur evit an holl ha stajoù brezhoneg ha sonerezh hengounel. Graet e vez peptra e brezhoneg hag e galleg.

Digor eo ar greizenn dizoloiñ ha vakañsiñ abaoe 1984. Aotreet eo gant an DDJS (Direction Départementale de la Jeunesse et des Sports), an DDASS, an DSV (Direction des Services Vétérinaires), hag an Deskadurezh Stad. Niverenn aotre an Deskadurezh Stad : 00-77 (d’an 19 a viz Kerzu 2000) DDJS, DDASS, DSV : 022 037 015 (d’ar 7 a viz Here 1992) Degemer : 57 gwele (50 bugel + an dud deuet). Statud : renet eo lodenn buheziñ ar greizenn gant ur gevredigezh hag al lodenn bod ha boued gant an ti-kêr.

Al label "Ti Natur Departamant Aodoù-an-Arvor" en deus Ti ar C’hoadoù. Ret eo doujañ da reolennoù resis ha da balioù ’zo : lakaat an dud da zizoloiñ natur an departamant ha sevel tachennoù-bro doujus ouzh an endro da skouer.

Ti ar C’hoadoù 5 hent an dachenn sport 22 160 AR CHAPEL-NEVEZ plgz : 02.96.21.60.20 pell : 02.96.21.60.21 mel : centre-foret-bocage@wanadoo.fr chomlec’h internet: (www.centre-foretbocage.com)]